Gjatë orëve të para të mëngjesit të sotëm në lagjen “Pavarësia”në Vlorë janë djegur dy automjete të parkuara aty.
Në njoftimin e policisë thuhet se makinat që janë përfshirë nga flakët është një makin tip ‘Volkswagen’ dhe një makinë tip ‘Smart’ dhe ngjarja mund të jetë aksidentale.
Mësohet se mjeti tip ‘Volkswagen’ në pronësi të shtetases F.F. është djegur pjesërisht, ndërsa mjeti tip ‘Smart’ në pronësi të K.D. është shkrumbuar plotësisht nga flakët.
Policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes.
Njoftimi i policisë:
Në orët e para të mëngjesit të sotëm, në lagjen “Pavarësia” Vlorë, kanë marrë flakë në parkim 2 automjete, ku si pasojë automjeti i markës Smart në pronësi të shtetases K.D., është djegur plotësisht dhe automjeti i markës Volksëagen në pronësi të shtetases F.F., është djegur pjesërisht, dyshohet se ngjarja është aksidentale.
Grupi hetimor po kryen veprimet e mëtejshme në lidhje me ngjarjen e ndodhur.
