Ashtu siç thatësira ka nisur më herët se vitet e mëparshme edhe fenomenet e tilla si zjarrvënia ka nisur që tani.
Ky është zjarri i tretë i madh brenda ditës së sotme që është duke shkaktuar dëme të mëdha në florën dhe faunën e vendit që janë duke shkrumbuar.
Këtë herë vendi i kërcënuar ndodhet në njësinë administrative të Ungrejt në Lezhë, konkretisht në vendin e quajtur Fregen.
Deri më tani bëhet e ditur se janë përfshirë plotë 10 hektarë tokë pyjore nga flakët ndërkohë që tashmë në vendngjarje kanë mbërritur edhe forcat e Inspektoratit Pyjor, të cilët janë duke bërë të mundur vendosjen nën kontroll të flakëve.
Mirëpo tmerri më i madh qëndron në faktin se dyshimet e hedhura deri më tani, janë se kjo zjarrëvënie ka qenë e qëllimshme, por se çfarë e ka shtyrë personin ose personat që ta ndërmarrin këtë akt, kjo nuk dihet ende.
Megjithatë grupi hetimor tashmë ndodhet në vendngjarje dhe janë duke nisur punën për dokumentimin e situatës.
