Është vënë në prangat e Policisë së Tiranës, Denisi i njohur si “Denisi i Myslym Shyrit” dhe kjo pas sulmit brutal gjatë ditës së djeshme ndaj dy aktivisteve të Organizatës Politike, Mirela dhe Albina Ruko.
Denis Telo është pikasur në disa raste, edhe përmes pamjeve filmike, se dhunon vajzat në rrugët e kryeqytetit, dhe deri dje ishte lënë i lirë nga ana e policisë, pavarësisht dhjetra denoncimeve edhe në rrjetet sociale.
Njoftimi i policisë:
Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit: D. T., 30 vjeç, banues në Tiranë, për veprën penale “Plagosja e lehtë me dashje”.
Arrestimi i tij u bë pasi gjatë ditës se djeshme kanë bërë kallëzim shtetaset A. R., 26 vjeçe dhe M. R., 29 vjeçe, banuese të dyja në Rrugën e Bogdanëve, se një shtetas i ka goditur me grushte pa arsye po në këtë rrugë, rast i cili është bërë publik dhe në rrjete sociale.
Pas denoncimit, shërbimet e Policisë kanë ndërhyrë menjëherë duke shoqëruar në ambientet e Policisë shtetasin D. T., ku në përfundim të veprimeve u bë dhe arrestimi i tij.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
Shantazhi si pushtet: denoncimi i Endri Meksit dhe modeli i rrezikshëm i qeverisë
Në Shqipëri po konsolidohet një model i rrezikshëm i ushtrimit të pushtetit, ku shantazhi dhe presioni përmes materialeve komprometuese po...
