Dy persona kanë rënë në prangat e policisë së Vlorës ditën e sotme pasi kanë kryer vepra të ndryshme penale. Mbi ta rëndëojnë akuza të ndryshme, ndërsa materialet janë referuar prokurorisë së Vlorës.
Policia arrestoi sot një 29-vjeçar pasi kishte shkelur masën e sigurisë “Arrest në shtëpi” pasi ishte dënuar më parë për “Prodhim dhe shitje të narkotikëve” dhe ka ushtruar dhunë ndaj nënës së tij. Një tjetër shtetas 41-vjeçar është arrestuar në flagrancë nga policia pasi është konstatuar në drejtim të mjetit në gjendje të dehur.
Prokuroria ka marrë në dorë materialet e nevosjhme dhe po zhvillon veprimet e mëtejshme hetimore.
Njoftimi i plotë i policisë:
Specialistët për Hetimin e Krimeve në Komisariatin e Policisë Vlorë kanë arrestuar në flagrancë shtetasin E. M., 29 vjeç, banues në Vlorë, pasi ka dalë nga banesa duke shkelur masën e sigurisë “Arrest në shtëpi” të vendosur nga Gjykata e Shkallës së Parë Vlorë, për veprën penale “Prodhimi dhe shitja e narkotikëve”, dhe ka ushtruar dhunë fizike dhe psikologjike ndaj nënës së tij.
Nga specialistët e Qarkullimit Rrugor është arrestuar në flagrancë shtetasi T. J., 41 vjeç, pasi është konstatuar duke drejtuar mjetin në gjendje të dehur.
Materialet iu referuan Prokurorisë, për veprime të mëtejshme.
