Policia e Sarandës ka vënë në pranga një 25-vjeçar i cili pas një konflikti të çastit ka goditur me sende të forta përpara servisit të tij 51-vjeçarin Pëllumb Sejdi.
Sipas informacioneve zyrtare, është shoqëruar në komisariatin e policisë shtetasi Aleksandër Dauti, 25 vjeç banues në Sarandë. Dauti dyshohet se gjatë një konflikti për motive të dobëta, ka goditur 51-vjeçarin i cili aktualisht ndodhet në spital jashtë rrezikut për jetën. Njoftohet se në bashkëpunim me Prokurorinë vijon puna për sqarimin e rrethanave të ngjarjes .
Njoftimi i Policisë
Plagosi me sende të forta një 51-vjeçar, shoqërohet autori i dyshuar i ngjarjes.
Shërbimet e Komisariatit të Policisë Sarandë, pas marrjes së njoftimit rreth orës 19:00, se në lagjen Nr.1, Sarandë, ishte goditur me mjete të forta shtetasi P. S., menjëherë kanë shkuar në vendngjarje dhe falë veprimeve të shpejta e profesionale bënë të mundur identifikimin, kapjen dhe shoqërimin në Komisariatin e Policisë Sarandë për veprime të mëtejshme procedurale të shtetasit Aleksandër Dauti, 25 vjeç, banues në Sarandë.
Ky shtetas dyshohet se gjatë një konflikti, për motive të dobëta, ka goditur me mjete të forta, shtetasin P. S., 51 vjeç, banues në Sarandë, i cili ndodhet në spital, jashtë rrezikut për jetën.
Në bashkëpunim me Prokurorinë vijon puna për sqarimin e rrethanave të ngjarjes .
