Bëhet me dije se një e moshuar është dhunuar gjatë natës në Gjirokastër, nga një person ende i paidentifikuar.
75 vjeçarja me inicialet P.Q ka qenë duke fjetur mbrëmjen e kaluar në shtëpinë e saj në momentin kur një person i është futur në shtëpi dhe e ka rrahur. E moshuara është transportuar me urgjencë në spitalin e qytetit, por raportohet se ka fraktura dhe dëmtime të rënda në disa pjesë të trupit dhe goditje në fytyrë.
Sipas dëshmisë së të moshuarës, ajo ka konflikte me dy familje po nga i njëjti fshat të cilët i kanë vrarë bashkëshortin para 3 vitesh dhe ajo dyshimin për rrahjen e ka tek ata.
Dyshohet se moshuara mund të jetë rrahur edhe nga e bija që është me probleme mendore.
Ngjarja ka ndodhur në fshatin Palokastër, ndërsa Policia po punon për kapjen e autorit dhe zbardhjen e shkakut.
