Mbrëmjen e djeshme kancelari i Gjykatës së Rrethit Gjyqësor të Elbasanit Ledio Sulkuqi 51-vjeç u dhunua barbarisht.
Personat ende të paidentifikuar përdorën levë dhe mjete të forta në momentin kur ushtruan dhunë ndaj Sulqukit. Ngjarja ka ndodhur paranë Drejtorisë së Policisë së Elbasanit, në një nga rrugicat ku banonte Sulkuqi.
Theksojmë se disa persona janë shoqëruar për t’u pyetur rreth kësaj ngjarje. Sipas policisë hetimet vijojnë dhe po punohet për kapjen e autorëve. Ndërsa kancelari i gjykatës u dërgua në spitalin rajonal në Elbasan dhe ndodhet jashtë rrezikut për jetën. Ende nuk dihet se cilat kanë qenë motivet e ngjarjes, që Sulkuqi është dhunuar dhe goditur disa herë me mjete të forta dhe leva.
Gjithashtu janë siguruar nga “Ballkan Web” edhe pamjet të vendit ku edhe ka ndodhur ngjarja, ndërsa shihet edhe njollat e gjakut në vendin ku edhe është goditur kancelari i gjykatës së Elbasanit.
Njoftimi i Policisë:
Elbasan/Informacion paraprak
Më datë 10.04.2022, rreth orës 22:30, në lagjen “Aqif Pasha”, Elbasan, në rrethana ende të paqarta, është goditur me sende të forta në kokë shtetasi L. S., 51 vjeç, i cili ndodhet në Spitalin Rajonal Elbasan, nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes, identifikimin dhe kapjen e autorëve.
