Që në momentet e para, protesta e opozitës ka shpërthyer në dhunë pasi me të mbërritur në bulevard, protestuesit kanë sulmuar kryeministrinë.
Dhjetra prej tyre janë sulur drjet godinës duke çarë kordonin e policëve.
Në shkallët e godinës janë hedhur bomba molotov duke shkaktuar zjarre.
Sakaq disa të rinj janë ngjitur në shkallë dhe kanë shkulur tendën e gjelbër që ishte vendosur në skela për të mbrojtur godinën.
Siç ishte paralajmëruar, protestuesIt tentuan të shkatërronin strehën me neon të kryeministrisë por pa sukses.
Disa protestues kanë tentuar të hyjnë në godinë duke goditur derën, por nuk kanë mundur pasi janë sulmuar me ujë dhe gaz lotsjellës nga brenda kryeministrisë.
