Muajin e fundit Shqipëria është “pushtuar” nga flakët, teksa situaata në Devoll duket kritike. Bëhet me dije se të paktën 5 ha pyll drurë të rrallë të llojit Prall dhe 10 ha kullota janë djegur,
Ndërkohë që zjarri është duke marrë përmasa edhe më të mëdha, siç raporton Ballkan Web.
Ndërkohë, kryetari i Bashkisë së Dropullit, Dhimitër Toli, ka kërkuar me urgjencë nga Emergjencat Civile në Tiranë, helikopter për shuarjen e zjarrit masiv pasi është e pamundur të ndërhyhet nga toka.
Shefi i zjarrfikësve të Dropullit Alqi Kosta, është shprehur, se ka kërkuar ndihmë nga zjarrfikësit e Libohovës dhe Gjirokastrës.
Situata me zjarret në vend ka treguar mungesën e kapaciteteve të institucioneve përkatëse për të përballuar situata të tilla.
Mësohet se në mungesë të helikopterit nga Tirana është kërkuar ndihmë nga Greqia dhe pritet që mbërritja e helikopterit për të shuar zjarret që mos t’u afrohen zjarret.
Flakët po përparojnë në afërsi të banesave në tre fshatra të Dropullit, dhe se është të paktën 100 m larg zonës së banuar në fshatrat Lugar dhe Gorricë. forcat zjarrfikëse dhe banorë të fshatrave po punojnë për shuarjen e flakëve
Më herët, Ministria e Mbrojtjes, ka dalë me një njoftim lidhur me situatën e zjarreve në vend. Në fjalën e zëdhënëses u bë e ditur se në vend kishte pasur 29 vatra zjarri gjatë 24 orëve të fundit. Ndërkohë për shuarjen e këtyre vatrave ishin angazhuar 315 efektivë zjarrfikës dhe anëtarë të Forcave të Armatosura.
