Drejtori i Përgjithshëm i Doganave, Genti Gazheli dhe vartësit e tij i kanë zhytur Doganat në borxhe të thella, pasi nuk paguan detyrimet edhe pse ky institucion përfiton një buxhet të lartë nga shteti.
Burime pranë “Gijotina.com” bëjnë me dije se ky Drejtoria e Doganave rezulton se ka 46,690,911, 000 lekë detyrime të papaguara. Kontrolli i Lartë i Shtetit ka konstatuar se ky borxh po shtohet vit pas viti, vetëm në vitin 2022 ai është rritur me 9.7 miliardë lekë, çka do të thotë se deri në fund të këtij viti do ketë kaluar shifra mbi 46 miliardë lekë.
“Në Drejtorinë e Përgjithshme të Doganave (DPD), në fund të vitit 2022, rezulton një nivel borxhi doganor në shumën 46,690,911 mijë lekë, e përfaqësuar nga 4,858 raste, i cili rezulton gjithmonë në rritje, ku për vitin 2022 ka pësuar një rritje prej 979,324 mijë lekë, ose me 2,14%”, thuhet në raportin e KLSH.
KLSH thekson se Drejtoria e Doganave e ka mbajtur të fshehtë këtë borxh. Sipas Kontrollit të Lartë ky borxh është 30 milionë lekë më shumë nga se ka raportuar Gazheli.
“Konstatohet një diferencë në borxhin doganor prej 3,101 mijë lekë më shumë se borxhi i raportuar nga ana e Drejtorisë së Planifikimit dhe Analizës së të Ardhurave, si rezultat i raportimit të gabuar nga ana e Degës Doganore Rinas”, thekson auditi.
Edhe vitin e kaluar janë konstatuar 58 milionë lekë dëm nga Dogana vetëm se ka mbuluar shkelësit e ligjit. Më para Drejtoria e Doganave është denoncuar disa herë në media për shkarkime të padrejta nga vendet e punës, persona të cilët kanë kërkuar dëmshpërlbim, ç’ka i ka kushtuar këtij institucioni 82 milionë lekë buxhetit të shtetit.
Gijotina raporton se behët fjala për shkarkimin e 8 ish-punonjësve, të cilët deri më tani janë likuiduar deri në masën 58 milionë lekë, ndërsa pjesa tjetër që duhet shlyer ka mbetur si borxh.
Vetë drejtoti, zoti Gazheli nuk ka nxjerrë asnjë lekë nga xhepi i tij dhe as nuk do paguajë asgjë nga ky borxh, pasi do të shlyhet nga taksat e qytetarëve shqiptarë.
