Detektivja private Shkënda Lili mbrëmjen e djeshme në emisionin “Opinion” diskutoi hapur mbi temën e tradhtisë për të cilën u shpreh se kjo është tema më e përhapur në të gjithë botën dhe jo vetëm në Shqipëri. Është e vetmja gjë e pashmangshme nga të dyja palët, por ajo që diskutohet më tepër është nëse arrijmë dot ti kontrollojmë partnerët tanë apo thjesht ti lëmë të lirë? U shpreh detektivja Lili.
Detektivja deklaron se në zyrën e saj drejtohen burra dhe gra të cilët kërkojnë të përgjojnë apo kontrollojnë partnerët e tyre.
Gjithashtu mbrëmjen e djeshme, ajo tha se kryesisht gratë kërkojnë të vendosin përgjues në makinë, e madje nëse bashkëshorti mund të jetë në një dhomë hoteli, kërkojnë që detektivi të shkojë deri aty.
“Ne bëjmë investigim në terren. Gratë duan shumë gjëra, duan të përgjojnë telefonin, duan t’i shkosh dhe në dhomë nëse bashkëshorti mund të jetë në një dhomë hoteli. Këto janë gjëra që unë nuk i bëj”,-tha Lili.
E pyetur nga gazetari Blendi Fevziu nëse është e vërtetë që instalojnë dhe përgjues në makina, Lili tha: “Po absolutisht. Nëse dikush është vetem në makinë dhe do kishte diçka tjetër është i lirshëm për të folur në makinë, Gratë, dhe burrat por sidomos gratë duan të degjojnë çfarë thotë partneri ne makine. Mund të vësh një përgjues që lidhet me baterinë e makinës, qe dhe po të vesh detektues nuk e dallon”.
