Adrian Fejzullahu, 53-vjeçari, i cili humbi tragjikisht jetën këtë të hënë në vendin e punës, në një pallat në ndërtim kishte vetëm 5 ditë që kishte filluar punë. Ai ishte nisur si çdo ditë, pa e ditur se kjo e hënë do të ishte dhe dita e fundit e jetës. Sipas autoriteteve, ngjarja ka ndodhur në rrugën “Aleksandër Moisiu”, në një pallat në ndërtim e sipër nga kompania “Andi Konstruktion”. Në momentin që ka rënë nga kati i 7 i pallatit, Fejzullahu ka qenë duke ngritur kovat me llaç.
Administrator i komanisë që po ndërton pallatin, është Latif Miha, i cili është dhe nënkryetar i shoqatës së ndërtuesve, por dhe anëtar i bordit drejtues të Institutit të Sigurimeve Shoqërore. Miha është 100% aksioner i kompanisë.
Siç mund të shihet dhe nga fotot, kompleksi ku humbi jetën 53-vjeçari mëngjesin e sotëm nuk ka as rrjetë mbrojtëse dhe as skela.
