Detaje të tjera tronditëse kanë dalë në lidhje me ngjarjen tronditëse që ka tronditur Fierin ditën e sotme, ku 8-vjeçari u mor peng nga 38-vjeçari i identifikuar si Klodian Çalamani dhe u gropos.
Ngjarja horror ka ndodhur në fshatin Grecalli të Fierit.
Burime për Ora News, bëjnë me dije se 38-vjeçari fillimisht ka goditur të miturin me lopatë në kokë e më pas e ka groposur, në oborrin e shtëpisë së tij.
Mësohet se autori i cili tashmë ndodhet prapa hekurave jetonte vetëm, ndërsa babai dhe vëllai i tij ndodheshin në burg në Greqi. Sakaq nëna e autorit ndodhet në Maqedoni.
Fëmija është gjetur i mbuluar me baltë nga autoritete pas disa orësh kërkimet. Kërkimet filluan pas denoncimit të nënës së të miturit.
Sipas fqinjëve dyshohet se autori I identifikuar si Klodian Çalamani, në momentin që ka bërë rrëmbimin e të miturit ka qenë i pirë. Mësohet se ai nuk kishte probleme të shëndetit mendor.
Trupi i të miturit u gjet pas disa orësh kërkimesh nga policia. 8-vjeçari u gjet i pajetë në oborrin e 38-vjeçarit, i cili e kishte groposur.
Autori është arrestuar menjëherë nga policia, ndërsa kjo e fundit po merret me hetimin e ngjarjes.
Kane qenë familjarët të cilët e kanë denoncuar pasi fëmija nuk është kthyer që në 9 të mëngjesit
Mësohet se ky nuk është rasti i parë që 38-vjeçari ka bërë një akt të tillë të ngjashëm.
Në vitin 2006, Klodian Çalamani së bashku me shokun e tij Florian Vasiu morën peng dhe torturuan për 20 minuta një fqinje në moshë të mitur.
