Detaje të tjera dalin në dritë nga zjarri i madh që përfshiu një apartament në Zdrale të Shkodrës.
Si pasojë e flakëve të mëdha dhe tymit, ka humbur jetën 70-vjeçari Ismet Abdurrahmani.
Burime për News 24 bëjnë me dije se i moshuari jetonte vetëm në shtëpi dhe se kishte probleme me gruan.
Abdurrahmani ka tentuar disa herë t’i vendosë zjarrin banesës së tij, ndërsa për shkak të problemeve, ai ishte dërguar disa herë në polici.
Paraprakisht dyshohet se shkak i zjarrit ishte shpërthimi i një bombole gazi, ndërsa i moshuari humbi jetën si pasojë e flakëve dhe asfiksisë nga tymi.
Drejtori i Zjarrfikësve në Shkodër Agron Dibra ka deklaruar për mediat se zjarri në apartament ishte i përmasave të mëdha. Ai shton se ishte e pamundur të hyje menjëherë në banesë.
