Detaje të reja janë zbuluar nga shpërthimi i ndodhur ditën e djeshme në qendrën ‘Kristal’ te Komuna e Parisit.Është bërë me dije se në makinën e prokurorit Arjan Muça është vendosur 100 gram tritol, që shkaktoi shpërthimin e fuqishëm.
Ndërkohë, prokurori është marrë në pyetje nga policia për të bërë të mundur zbardhjen e ngjarjes.Po ashtu janë sekuestruar edhe kamerat e sigurisë nga vend ii ngjarjes. Ndërkohë, familja e prokurorit është marrë në mbrojtje nga policia.
Nga shpërthimi nuk pati asnjë të lënduar, ndërsa bëhet me dijen se prej dy vitesh që kur kishte filluar punë në KLP, prokurori e parkonte makinën në të njëjtin vend.
Por kush është Arjan Muça?
Mësohet se prokurori ka qenë officer te Krimet e Rënda, ndërsa prej 11 vitesh mban detyrën e prokurorit.Ai ka qenë OPGJ në hetimet e kryera për dosjen e Gërdecit. Për vite ai ka qenë prokuror në Tiranë, ndërsa në vitin 2016 u komandua në Përmet, ndërsa muajt e fundit është komanduar nëTiranë te Këshilli i Lartë i Prokurorisë. Ai bën raportet për gjyqtarët e prokurorët që kalojnë në procesin e Vettingut. Ndër të tjera prokurori është edhe djali i ish-shef i Antiterrorit, Selim Muça si edhe ish-drejtor i forcës së posaçme ku u vrane katër policë nga Dritan Dajti. Po ashtu bashkëshortja e tij, Gentiana Muça është gjyqtare në Gjykatën Administrative të Tiranës, ndaj ende nuk dihet se cili nga të dy ka qenë shënjestra e sulmit.
