Detaje të reja janë zbardhur nga ngjarja e rëndë që ndodhi në Vlorë ditën e sotnme, ku një 25-vjeçare që u rrëzua nga një anije e ankoruar në port dhe humbi tragjikisht jetën.
Mësohet se viktima ishte një turiste e huaj dhe në momentin që ka rënë nga anija, ka qenë në gjendje të dehur. Ndërkojë, nuk bëhet ende i ditur identiteti apo kombësia e saj.
Më vonë policia arrestoi të punësuarin në mjet, 47-vjeçarin Aleksandër Golemaj. Ky i fundit duket se vishej si personazhi Jack Sparrow nga saga “Pirates of the Caribbean”, rol i luajtur nga aktori Johnny Depp, dhe e imitonte atë për t’u dukur si një pirat, në mënyrë që të argëtonte turistët.
47-vjeçari ishte përgjegjës për anijen ku ndodhej 25-vjeçarja dhe ishte prezent në momentin kur e reja u rërzua nga anija, e cila kishte pamjen e një mjeti lundrues piratësh.
E reja u dërgua me urgjencë në Spitalin e Vlorës, por fatkeqësisht nuk mundi dot të mbijetonte. Si pasojë, policia arrestoi Aleksandër Golemaj me akuzën për veprën penale ‘Shkelja e rregullave të mbrojtjes në punë’. Sipas policisë, 47-vjeçari nuk duhet ta kishte lejuar të renë të hipte në anije, pasi në atë orë ajo nuk ishte funksionale dhe nuk ishte e ankoruar
