Dalin detaje të reja në lidhje me arrestimin e Kasandër Nogës, 45-vjeçarit i cili akuzohet se i bëri atentat Erion Hasanbelliut në Belgjikë. Hetuesit e Policisë Kriminale Shtetërore të Vjenës ndoqën një informatë se i kërkuari duhet të ishte në Vjenë. Mësohet se ai ra në prangat e Policisë së Vienës mëngjesin e sotëm në Donaustadt. Sipas autoriteteve arratisja ishte e pashmangshme.
Pas ngjarjes Në Bruksel policia belge hodhi dyshime të forta mbi Nogën për shkak të konflikteve me të plagosurin dhe e shpalli në kërkim kombëtar dhe ndërkombëtar për tentativë vrasje. Sipas autoriteteve belge, ai thuhet se ka qëlluar Erion Hasanbelliun në kryeqytetin e BE-së të shtunën e kaluar. Shqiptari u kërkua më pas duke përdorur një urdhër arresti evropian.
Sipas informacioneve të deritanishme 45-vjeçari nuk ka bërë asnjë rrezistencë në momentin e arrestimit pasi është zënë në befasi nga forcat policore të Austrisë.Gjithashtu bëhet me dije se hetuesit kanë penguar fluturimin e tij për në Shqipëri, i cili mësohet se ka qenë i planifikuar.
Sipas BalkanWeb Noga për ironi të fatit ka qenë student i Akademisë së Policisë, por është përjashtuar para se të diplomohej. Ai është përjashtuar nga Akademia në vitin e dytë të studimeve pasi pas një sherri në ambientet e shkollës plagosi me thikë një student nga Lushnja, me të cilën rezultoi se kishte dhe lidhje gjaku. Por pavarësisht këtij krimi, 44-vjeçari pas 15 ditësh bëri krimin në spitalin e Sanatoriumit, ku vrau bashkë me Julian Çelën, Aqif Hasanbelliun (babai i Geronit) dhe Dritan Hajdini (shoku e Geronit).
Thuhet se shumë prej krimeve që rëndojnë ndaj Nogës janë kryer gjatë kohës që ai ishte student i Akademisë ku përshkruhej nga të gjithë si njeri problematik, gjakftohtë, por shumë inteligjent. Po ashtu Noga akuzohet se në vitin 1999 ka bërë dy vrasje, të cilat u zbuluan në vitin 2003.
