Ekzekutimi i avokatit Ravik Gurra mbrëmjen e sotme ka ngjallur jo pak reagime, mirëpo nga vendngjarja na vijnë edhe detajet e reja.
Sipas Ballkanweb, ekzekutimi ka ndodhur pranë një lokali të njohur në qendër të qytetit dhe nga dyshimet që policia ka hedhur, autori ka qenë i maskuar, pra askush nuk e ka parë fytyrën e tij.
Sipas dëshmive të të pranishmëve, 50-vjeçari ka qenë i ulur në ambientet e jashtme të lokalit bashkë me dy persona të tjerë, njëri prej tyre mësohet të jetë avokat.
Ekzekutori e ka qëlluar pas koke avokatin duke e lënë të vdekur në vend. Mirëpo edhe plani i arratisjes ka qenë i mirëorganizuar.
Autori pasi ka kryer krimin është larguar nga vendngjarja me një mjet, i cili tashmë është gjetur i djegur në dalje të qytetit, por nuk mban asnjë gjurmë të vrasësit.
Policia ka ngritur postblloqe për kapjen e autorëve dhe zbardhjen e ngjarjes.
“Rreth orës 19:35, në një lokal në Elbasan, nga persona ende të paidentifikuar është vrarë me armë zjarri shtetasi R.G., 50 vjeç, banues në Elbasan. Shërbimet e Policisë kane ngritur pika kontrolli në të gjitha rrugët në hyrje e dalje si dhe po krehin zonën ku dyshohet se janë larguar autorët. Grupi hetimor ndodhet në vendngjarje dhe po grumbullon e fikson çdo provë që do shërbejë për zbardhjen e ngjarjes. Një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes”, njofton policia.
Po kush ka qenë avokati Ravik Gurra? Klikoni këtu për të lexuar më shumë.
