SHKODËR
Detaje të reja kanë dalë në dritë në lidhje me vrasjen e 23-vjeçarit Gledis Kraja në Shkodër.
Bëhet me dije se viktima është vrarë aksidentalisht nga shoku i tij, Sebastjan Smakaj. Ngjarja e rëndë i ka fillestat tek një konflikt mes Smakajt dhe pronarit të një mobilerie.
Autori i dyshuar kishte porositur mobilie për shtëpinë në një kompani në Shkodër. Kur porosia e mobilieve i mbërrit poshtë pallatit, në lagjen Qafëhardhi, Smajku debatoi me shoferin e kamionit, për shkak se ishte bllokuar rruga. Më pas, aty mbërriti edhe pronari i kompanisë së mobilieve, me të cilin autori vazhdoi debatin.
Pak minuta më vonë, Sebastjan Smakaj, ka marrë një kallashnikov dhe ka qëlluar në drejtim të pronarit të mobilerisë, por se plumbat kanë kapur aksidentalisht mikun e tij, Krajën.
Kanë qenë 14 plumba kallashnikovi që kanë kapur në trup Sebastjan Smakajn.
Pasi kanë vënë re se çfarë kishte ndodhur, vëllezërit Smakaj menjëherë kanë tentuar arratisjen. Ata kanë marrë një automjet dhe janë larguar nga vendngjarja, duke qenë kështu në kërkim policor.
