Të martën, 20 shkurt, në orën 17:30 është thirrur protesta e opozitës kundër qeverisë Rama, e cila do të mbahet përpara kryeministrisë. Kreu i “Rithemelimit”, Sali Berisha mësohet se do të marrë pjesë me fjalimin e tij në protestë, por virtualisht, duke qenë se është nën arrest shtëpie.
Kjo është hera e parë pas shumë kohësh, që deputetët e opozitës, kryesisht demokratë, kanë qenë në një zë për të shkuar drejt protestës.
Ndër të tjera mësohet se leja që Rithemelimi ka marrë rreth 4-5 orë leje në polici për vijimin e protestës.
Po ashtu policia ka vendosur kamera me rezolucion të lartë në Bulevardin Dëshmorët e Kombit, për të evidentuar protestuesit të cilët mund të kryejnë akte dhune.
