Pas ekzekutimit me armë zjarri të anëtarit të bandës kriminale të Durrësit, Edmond Koçi, policia ka rrethuar vendin e ngjarjes.
Në pamjet e sjella shihet vendi ku është kryer vrasja dhe efektivët policorë që po hetojnë ngjarjen.
Nga hetimet paraprake, është zbuluar një detaj i ri se ekzekutorët e viktimës 40 vjeç, Mond Çekiçi, kanë qenë të veshur si ushtarakë. Gjithashtu identifikimi i Viktimës u bë nga e motra e tij.
Kujtojmë se ngjarja ndodhi rreth orës 08:40 të mëngjesit të kësaj të shtune, në afërsi të Drejtorisë Arsimore.
Autorët nuk janë identifikuar ende, por policia ka gjetur në afërsi të Sukthit një mjet tip”Benz” të djekur anës rrugës. Sipas uniformave blu, mendohet se u përket ekzekutorëve.
Sa i përket viktimës, Edmond Koçi i cili njihet edhe me nofkën Mond Çekiçi, nuk është emër i panjohur për policinë.
Policia e Durrësit e ka konsideruar si person me rrezikshmëri të lartë, pasi jo vetëm që ishte pjesë përbërëse e një klani kriminal në Durrës, por ai rezulton të jetë dënuar disa herë për akuzën e mbajtjes pa lejë të armëve dhe kundërshtimit të forcave të policisë.
Në muajin Maj 2009 Edmond Koçi, është dënuar me 2 vite burgim për akuzën e “Mbajtjes pa lejë të armëve”.
