Këshilli Politik ka dështuar në arritjen e një marrëveshjeje midis palëve për Reformën Zgjedhore.
Ndërkombëtarët kanë rritur presionin ndaj politikës shqiptare dhe kërkojnë që të arrihet konsensusi ashtu siç ishte premtuar më parë.
Ambasadorja e SHBA, Yuri Kim, i kujtoi maxhorancës dhe opozitës premtimin që do arrinin në konsesus dhe datën që ata kishin vënë më herët, 31 majin.
Pas këtij reagimi, ambasadori i BE në Tiranë, Luigi Soreca shkroi se duhet marrëveshje sa më parë, pasi është kush për integrimin.
Edhe ambasadori i Britanisë së Madhë, Norman Duncan ka reaguar fort.
Ai shkruan se sot është dita për ta vënë popullin e Shqipërisë në vendin e parë dhe për të gjetur terrenin e përbashkët të nevojshëm për të ecur përpara vendin.
Reagimi i ambasadores së SHBA, Yuri Kim:
“Të gjitha palët kanë treguar lëvizje dhe ato janë jashtëzakonisht të afërta.
Ju keni vendosur një qëllim, ju keni vendosur një afat më 31 maj.
Tani është koha që të ndaloni duke insistuar në qëndrime të pazbatueshme ose të vendosni kushte të reja.
Koha për t’a mbajtur fjalën tuaj para qytetarëve shqiptarë”.
Reagimi i Duncan:
“Këshilli Politik u krijua për të sjellë një reformë gjithëpërfshirëse zgjedhore në Shqipëri për të përmbushur kërkesat e ODIHR.
Sot është dita për ta vënë popullin e Shqipërisë në vendin e parë dhe për të gjetur terrenin e përbashkët të nevojshëm për të ecur përpara vendin.”
Reagimi i Luigi Soreca
“Përfundimi i Reformës Zgjedhore plotësisht në përputhje me rekomandimet e OSBE/ODHIR është kusht i domosdoshëm për të ecur përpara me integrimin në BE.
Një marrëveshje e menjëhershme nga të gjitha palët në Këshillin Politik është e mundshme dhe duhet të përfundohet tani për të filluar me negociatat e pranimit në BE sa më shpejt të jetë e mundur”.
