Një ngjarje e pazakontë ka ndodhur mbrëmjen e djeshme në kryeqytet. Punonjësit e policisë kanë shtrirë përtokë dhe kanë dhunuar një qytetar, i cili kishte shkelur orën policore.
Edhe njëherë policia po tregon barbarisht forcën ndaj qytetarëve që nuk janë në radhën e shkelësve “të mëdhenj” të ligjit.
Siç shihet në një video të publikuar kreu i FRPD, qyetari i cili është identifikuar si Festim Peza, po kthehej me makinë në shtëpinë e tij, ndërkohë që është ndaluar nga policia e cila po kryente kontrolle në rrugë.
Në video shihen dy policë që fillimisht e kanë nxjerrë Pezën nga automjeti dhe e kanë shtrirë në tokë. Në një moment dëgjohen duke i thënë: S’ke bythë të na ikësh ne, mos lëviz prej aty”.
Peza dëgjohet duke thënë: “Nuk po ik nga ju o shef, jam punëtor krahu, jamë punëtor krahu…nuk iki mor burrë”.
Pavarësisht se qytetari nuk është ndaluar dhe pyetur për të dhënë shpjegime të kalimit të orës policiore, efektivët as nuk i kanë dëgjuar shpjegimet e qytetarit duke e goditur me shkelma ndërsa po e fustin në makinë.
Ky nuk është rasti i parë që policia tregon dështim. Raste të ngjashme dhune dhe barbarizmi vihen re në të gjitha ngjarjet e fundit në vend, nga prishja e teatrit, vrasja e Klodianit e deri tek dhuna e ushtruar ndaj qytetarëve për moszbatim të fashës orare.
Në një video të filmuar rastësist nga një kalimtar në zonë mjaft të populluar të Tiranës, shihej qartë një tjetër rast arrogance dhe vrazhdëse nga efektivja e policisë, e cila qëllon me pëllëmbë në mes të bisedës një vajzë të re për shkak të mungesës së maskës.
Prej shumë kohësh tashmë, arbitrariteti, arroganca , brutaliteti dhe shpërdorimi deri në ekstrem i shërbimit policor, sa vjen e bëhet më i dukshëm.
Të injektuar ndoshta dhe nga vetë sjellja politike dhe publike e kryeministrit Edi Rama, nuk është hera e parë që policia përfiton nga uniforma e veshur duke e shkelur ligjin me të dyja këmbët.
https://www.facebook.com/watch/?v=462084071482260
