Pas protestave të fermerëve në Lushnje që derdhën qumështin në rrugë në formë revolte ndaj uljes së TVSH-së nga 20% në 6%, ka reaguar qeveria shqiptare.
Në një deklaratë për mediat ditën e sotme, ministri i Bujqësisë Bledi Çuçi bëri të ditur se qeveria ka vendosur të bëjë një financim të dedikuar për ta, që konsiston në një përfitim prej 100 lekësh për çdo litër qumësht.
“Kemi ndjekur me interes shqetësimin e fermerëve. Në mbledhjen e ditës së sotme vendosi të japë një financim të dedikuar për fermerët që sheshin qumësht. Ata do të fitojnë 100 lekë të vjetra për një litër qumësht. Aplikimet do të fillojnë prej datës 22 prill pranë zyrave të Bujqësisë në qarqe. Kjo është mbështetje për fermërët dhe një reagim në kohën e duhur. Një masë e tillë do të ndikojë në formalizimin e përpunimi të qumështit në vend.”-u shpreh Çuçi.
