Shqiptarët mbajtën sot në mesditë një protestë para Gjykatës Speciale në Hagë, ndërsa po mbahej seanca me Rexhep Selimin.
Amet Gjanaj, deputet shqiptar në parlamentin belg, tha se në protestë pati prezencë relativisht të mirë të shqiptarëve.
“Ishim në protestë, ka një orë që u kthyem, protesta u zhvillua mirë edhe në kushte të pandemisë, kishte prezencë relativisht të mirë të shqiptarëve, në kushte të pandemisë duke ruajtuar distancën etj”, tha Gjanaj për “Frontal”.
“Nuk kemi shkuar me kërkuar lirimin, përkundrazi, nëse kanë kryer krime lufte duhen dënuar sipas ligjeve të Republikës së Kosovës, kemi kërkuar të ketë anulim të aktakuzës, u faktua që Shtëpia e Verdhë nuk ekziston…Kjo shtëpi rezulton se ndodhet në Bajtanicë të Beogradit”, tha deputeti.
“Është e pavërtetë që shqiptarët myslimanë kanë vrarë shqiptarë katolikë, është e pavërtetë sepse shqiptarët kanë treguar harmoni ndërfetare”, deklaroi deputeti për aktakuzën ndaj ish-krerëve të UÇK-së.
/GazetaReforma.com/
