Ngritja e SPAK duket se mund të rregullojë shumë gjëra në sistemin e drejtësisë në vend dhe këtë fakt e mbështet edhe deputeti i PS, Pjerin Nderu.
I pyetur nga Ora News, Nderu ka thënë se me ngritjen e SPAK, çështja e 21 janarit do të rihapet dhe autorët do të marrin atë që meritojë. Sipas tij ky është i vetmi investim që Partia Socialiste do të bënte përballë padurimit të familjarëve dhe opinionit publik për vendosjen e drejtësisë.
Deputeti i PS, Pjerin Ndreu tha se me ngritjen e SPAK, çështja e 21 janarit do marrë vëmendjen që meriton dhe autorët do të vendosen para ligjit.
“ I vetmi investim që do bënte PS përballë padurimit të familjarëve dhe opinionit publik është drejtësia. Të jeni të sigurt se me ngritjen e SPAK kjo ngjarje do rihapet, autorët do shkojnë para ligjit. Gjithë kjo lloj diskutimi se ne e kemi braktisur këtë çështje do të bjerë poshtë. Ne kemi vetëm një mundësi të japim drejtësi të re këtij vendi. Drejtësia e re do të zbardhë edhe shumë çështje të tjera dhe shumë autorë në politikë dhe jashtë saj do shkojnë prapa hekurave”, ka thënë deputeti Ndreu
Gjithashtu duke iu referuar të njëjtës ngjarje, ai tha se se persona civilë i kanë bërë presion gardistëve, duke theksuar se filmimet që janë fshirë janë prova kryesore për ngjarjen.
“ Të dhënat tona bëjnë fjalë për persona të tjerë civilë, që kanë ardhur dhe kanë marrë situatën në dorë dhe kanë vënë në presion edhe disa persona të gardës që nuk e kanë përballuar dot presionin. Ato filmime që janë fshirë janë kryesore për provat. Ato tregojnë gjithçka ka ndodhur në një moment të caktuar. Unë nuk mendoj se janë eksponentët e gardës ata që kanë marrë përsipër këtë situatë. Filmimet kanë të dhëna të sakta me persona, me zë dhe figurë sesi është zhvilluar. Flitet edhe për një konflikt të brendshëm mes gardës dhe personave civilë që hyjnë në ambientet e kryeministrisë”, ka vazhduar më tej deputeti.
Premtimi i këtij 21 janari, ka qenë pikërisht drejtësia, për të cilën familjarët e 4 të vrarëve kanë 8 vite që presin.
