Eksperti i IT, Gent Progni, shpesh në media sociale bën opozitë, duke publikuar kështu të dhëna të rëndësishme lidhur me abuzime të shumta të institucioneve shtetërore.
Së fundmi, ai ka shpërndarë në rrjetet sociale lajmin se një email kërcënues i ka ardhur në adresën e tij, ku shkruhej se do ka marrë një e-mail kërcënues për jetën e djalit të tij.
Progni shprehet se kërcënime të tilla i vijë për shkak të denoncimeve të vazhdueshme që ai bën për insititucionet shtetërore dhe aferat korruptive, kryesisht në institucione që kanë të bëjnë me mbajtjen dhe menaxhimin e të dhënave digjitale të qytetarëve.
Pas publikimit të këtij kërcënimi, Progni është shprehur se do të vazhdojë të denoncojë sërish raste të tjera abuzive që sipas tij ka bërë AKSHI me të dhënat e shqiptarëve.
https://www.facebook.com/aplikacione/posts/3634711276857877?ref=embed_post
Kujtojmë se eksperti i IT-së ka bërë edhe një denoncim në SPAK ndaj drejtuesëve të AKSHI-t dhe gjithashtu ka argumentuar se sulmet e shumta kibernetike të bëra nga faqet shtetërore dhe të dhënave të shqiptarëve janë bërë nga vetë AKSHI.
Po ashtu, ai pak ditë më parë është shprehur se dëshiron të kandidojë si deputet i pavarur në zgjedhjet parlamentare të vitit 2025 në vendin tonë.
