Mjeku i Urgjencës Kombëtare pranë QSUT-së Ilir Allkja, është pushuar nga puna ditën e sotme për arsye të shkeljes së etikës.
Sipas vendimit të firmosur nga Drejtori i QSUT-së, Enkelejd Joti, thuhet se asnjë punonjës i QSUT-së, nuk duhet të bëjë në publik komente të papërshtatshme të tilla si vërejtje mbi politikën apo programe të Institucionit.
Mjeku Ilir Allkja, pas këtij vendimi ka reaguar ashpër. Në një intervistë për një emision televiziv, mjeku është shprehur se në asnjë rast nuk ka shkelur etikën duke thënë se ai ka qenë nga ata persona që u ka bërë thirrje qytatarëve që të besojnë tek sistemi i shëndetësisë.
Ndër të tjera Allkja u shpeh se në lidhje me denoncimet që ka bërë për mungesë të stafit, apo të mjekëve nuk ka qenë shkelje etike, por e vërteta.
“Nuk kam asnjë rast që kam shkelur etikën. Nëse do ndiqni të gjitha daljeve kam ngritur zërin që të kenë besim dhe të shkojnë në spitale dhe kam folur publikisht që njerëzit të shtrohen në spital. Kam folur për të mirat e vaksinimit. Këto janë të gjitha shpifje që i kanë si të thuash kompozimi është për faqe të zezë.
Me 24 dhjetor jam marrë në pyetje dhe jam pyetur pse kam folur për testimet dhe për mungesat dhe unë kam sqaruar kam një pocesverbal të protokolluar ku janë pyetje përgjigje. Kam thënë se ka mangësi në staf, por kjo është e vërtetë. Këtu dekurajohen mjekët e rinj dhe ju thuhet se do ta pësoni kështu nëse flisni për mungesën. Unë jam njeri i lirë”, është shprehur mjeku Ilir Allkja.
Mjeku Allkja ndër të tjera tha se se do të ndjekë rrugën ligjore deri në fund në lidhje me shkarkimin e tij nga puna.
“Do ndjek rrugën ligjore, e kam detyrim do ndjek rrugët ligjore dhe do t’i shkoj deri në fund. Unë nuk i kam pas se çfarë është shkruajtur, por falenderoj këto që më mbështetën. Unë do të jetoj diku. Por puna është çfarë mesazhi jep qeveria,” tha ai ndër të tjera.
Kujtojmë se prej fillimit të pandemisë, mjeku Allkja në jo pak raste është bërë zëri i dhjetra denoncimeve, për shkak të kushteve ku janë të detyruar të punojnë stafet mjekësore, ku në nisje të pandemisë mungonin dhe elementët bazë të mbrojtjes nga Covid 19.
Sipas vendimit të QSUT-së, çdo punonjës i këtij institucioni nuk duhet të bëjë në publik komente të papërshtatshme të tilla si vërejtje mbi politikën apo programe të Institucionit, deklarata apo opinone personale që mund të interpretohen su zyrtare, sulme kundër administratës apo punonjësve të tjerë të institucionit.
Vendimi i dhënë nga drejtori i QSUT Enkelejdi Joti:
