“Denonco Kadastrën” do të jetë dritarja më e re e shërbimeve në platformën Shqipëriaqëduam.al.
Kryeministri Edi Rama është shprehur se nëpërmjet këtij aplikacioni të ri dixhital, brenda këtij mandati do të zgjidhen më në fund hallet e qytetarëve të cilët marrin këtë shërbim. E gjitha kjo bëhet në kuadër të luftës kundër korrupsionit që ekziston në institucionin e Kadastrës. Ky shërbim dixhital ju jëp mundësi qytetarëve, të kenë një dritare ku mund të raportojnë rastet e problemeve me pronat e tyre, ku përballen me zvarritje apo korrupsion.
Rama thotë se dritarja e re “Denonco Kadastrën” tek Shqiperiaqeduam.al do të lidhë në kohë reale çdo ankues me ministrin e Drejtësisë dhe Rrjetin Antikorrupsion të Ministrisë së Drejtësisë. Theksojmë se problemet me pronat jaë një “vatër zjarri” në Shqipëri, ku institucioni që merret me to shpesh herë është shënjestruar për zvarritje dhe mosfunksionim siç duhet në tërësinë e tij.
MESAZHI I RAMËS
#RevolucioniDigjital i Kadastrës, që brenda këtij mandati do të zgjidhë më në fund hallet e qytetarëve me këtë shërbim, falë përfundimit të inventarizimit digjital të pronave dhe mbylljes definitive të sporteleve, duhet të shoqërohet në ndërkohë me rritjen e presionit Antikorrupsion mbi Kadastrën👊
Dritarja e re “Denonco Kadastrën” tek Shqiperiaqeduam.al do të lidhë në kohë reale çdo ankues me ministrin e Drejtësisë dhe Rrjetin Antikorrupsion të Ministrisë së Drejtësisë🤝
“Denonco Kadastrën” këtu 👉ëëë.shqiperiaqeduam.al
