Kandidati për deputet i Partisë Demokratike, Belind Këlliçi ka postuar një video ku denoncon punimet që po bëhen te rruga “Milto Sotir Gurra” në Unazën e Re për hir të fushatës elektorale. Sipas tij banorët nuk janë informuar për këto punime dhe nuk ka asnjë kontratë apo tender, por thjesht po hidhet asfalt që do të çahet për punë muajsh. Këlliçi shkruan se ka njoftuar dy herë policinë, por askush nuk ka shkuar në vendngjarje.
Postimi i plotë:
Krim elektoral në Tiranë!
Prej 2 javësh, në rr. “Milto Sotir Gurra” në Unazën e Re, po hidhet asfalt elektoral. Punimet i bëjnë natën.
Nuk ka asnjë tabelë që informon banorët e lagjes për këto punime. Nuk ka asnjë kontratë, asnjë tender, se nuk pret puna. Duan t’u hedhin hi syve banorëve me një shtresë asfalti që për punë muajsh do çahet si petë byreku.
Me të më njoftuar banorët për këtë maskaradë fushate, telefonova policinë dy herë që të vinin në vendngjarje. Askush nuk erdhi.
I bëj thirrje Prokurorisë së Posaçme SPAK dhe Prokurorisë së Tiranës, të nisin hetimet për këtë krim elektoral që bëhet natën hajdutërisht. Kërkoj vëmendjen e Prezencës së OSBE-së dhe misionit vëzhgues ODIHR në Shqipëri, dhe të ambasadave të shteteve mike, të veprojnë për të ndaluar këtë model abuzimi me taksat e qytetarëve shqiptarë për qëllime elektorale.
Dëshpërimi juaj për pushtet nuk është asgjë krahasuar me dëshpërimin ekonomik të qytetarëve që kanë pritur 8 vjet për të parë punët tuaja.
Po shtroni rrugën drejt burgut.
https://www.facebook.com/BelindKellici.Official/videos/159645706011280/
