Sot, Aleanca për Teatrin dhe opozita zhvilluan një protestë përpara Bashkisë Tiranë, duke kundërshtuar aferën 5D dhe inceneratorët. Gjatë tubimit, aktivistja Adriana Kalaja mbajti një fjalim të ashpër, duke theksuar rëndësinë e qëndresës dhe përballjes për të mbrojtur Tiranën dhe Shqipërinë.
“Ju protestues vini këtu për të mbrojtur Tiranën, Shqipërinë sot më legjitim më kurrë pasi morëm atë që na takonte,” deklaroi Kalaja. Ajo nënvizoi se për të arritur sukses në kauzat e tyre, është e nevojshme të luftohet dhe të qëndrohet fort. “Ajo që tregoi Aleanca për Mbrojtjen e Teatrit, ajo që tregoi Sali Berisha, ajo që tregoi PD është se agjë nuk të dhurohet por çdo gjë fitohet me qëndresë dhe përballje.”
Kalaja gjithashtu ngriti akuza kundër zyrtarëve të qeverisë, duke e quajtur Altin Dushmanin një shërbyes të rrezikshëm të pushtetit. Ajo e përshkroi atë si më të rrezikshëm se një tjetër zyrtar me të njëjtin mbiemër, duke përmendur se ai kishte kryer punë për Olta Xhaçkën dhe si shpërblim kishte marrë të afërmen e tij në punë. “Ai krimineli ka thënë se i bëra ca punë Olta Xhaçkës, dhe si shpërblim më mori të afërmen në punë. Cila është puna që Dumani i ka kryer Olta Xhaçkës, ortakes së Aman Josifit, këtë duhet ta zbulojë drejtësia,” tha Kalaja.
Protesta e sotme është pjesë e një serie lëvizjesh të vazhdueshme nga Aleanca për Teatrin dhe opozita, që kërkojnë ndryshime të mëdha në qeverisjen e vendit dhe llogaridhënie për aferat korruptive, ndërkohë që pjesëmarrësit janë shprehur të vendosur të vazhdojnë protestat derisa të arrihen qëllimet e tyre.
