Kryetarja e Gjykatës së Rrethit Elbasan, Enkeleda Kapedani është vënë nën hetim ditën e djeshme nga Inspektorati i Lartë i Drejtësisë, për shkak të disa videove të shpërndara nga kjo e fundit në rrjetet sociale brenda ambienteve të Gjykatës së Elbasanit. Reagime të shumta ka pasur lidhur me këtë rast, ndërkohë që ditën e sotme ka reaguar me anë të një postimi në rrjetet sociale gazetari Flamur Vezaj. Ai shkruan se anëtarët e Këshillit të Lartë Gjyqësor, janë ndjekës të rregullt të Enkeleda Kapedanit në rrjetin social “Tik Tok”, madje sipas Vezaj ata i bëjën edhe “like”. Pyetja që ngre gazetari është se si mund të nisin ta hetojnë këta persona anëtaren Kapedani, pasi ata kanë qenë në dijeni të videove gjatë gjithë kohës dhe nuk kanë reaguar më herët për to. Me ironi gazetari shkruan “Cfare prisnit tjeter nga adoleshent me veladon gjyqtari qe Shkolla Magjistratures prodhon cdo dite, biles ka edhe nje lende aty “Etika” qe Kapedani ka marr 10 kuptohet.”
Postimi i gazetarit Flamur Vezaj:
Gjyqtarja Kapedani, 22 vjece ne Shkollen e magjistratures, 25 vjece gjyqtare dhe 30 vjece kryetare Gjykates ne Elbasan! Cfare prisnit tjeter nga adoleshent me veladon gjyqtari qe Shkolla Magjistratures prodhon cdo dite, biles ka edhe nje lende aty “Etika” qe Kapedani ka marr 10 kuptohet.
Karriera e suksesshme me ndihmen e atyre nga Shijaku dhe Tik-Tokut kuptohet se disa nga anetaret e KLGj-se pervec se jane ndjekes te rregullte te Kapedanit kane bere edhe like, pastaj ckeni qe jeni nxehur kaq shume se Kodi Etikes vetem para nje muaj u miratua nga KLGJ-ja e cila ka plot kusure sidomos per disa gjyqtare te Gjykates se Larte qe do degjohemi shpejt.
#Paska reaguar edhe Ministrja e Drejtesise, po kjo pse nuk foli apo te jap shpjegime, “Pse shefja e saj e kabinetit dha doreheqje pa rene ne sy ne media sapo plasi skandali i Ndraghetes ne Shqiperi!? Cfare perfaqeson bashkjetuesi i saj italian?? Apo per keto sduhet te flasim se Ndragheta eshte “lule mos e prek” ne Shqiperi.
