Zyrtarisht ka nisur lufta pasi Rusia ka nisur sulmet ndaj Ukrainës. Deri më tani janë shkaktuar shtatë të vrarë dhe nëntë të plagosur deri më tani.
Ndërkohë presidenti i Republikës Ilir Meta ka reaguar përmes një postimi në rrjete sociale pas sulmit të nisur nga Rusia mbi Ukrainë.
Meta bën thirrje Rusinë të tërhiqet nga veprimet ushtarake kundër integritetit territorial dhe sovranitetit të Ukrainës!
“Shqipëria qëndron me Ukrainën dhe popullin e saj në këtë orë të errët!” shkruhen në postimin e Presidentit Meta. Theksojmë se sipas raporteve nga agjencitë perëndimore të lajmeve, qytete të shumta janë nën sulm. Sipas CNN kashpërthime në të paktën shtatë qytete.
Të shtëna me armë zjarri u dëgjuan pranë aeroportit kryesor “Boryspil” në Kiev, menjëherë pasi Rusia njoftoi për operacionin, bëri të ditur agjencia e lajmeve Interfax, duke cituar mediat lokale. Ministria e Mbrojtjes e Rusisë mohoi të ketë sulmuar qytetet ukrainase, duke thënë se në shënjestër ka “infrastrukturën ushtarake, mbrojtjen ajrore dhe forcat ajrore me armë të precizionit të lartë”, raportoi agjencia ruse e lajmeve RIA.
Shërbimi i rojës kufitare të Ukrainës, DPSU, ka publikuar fotografi të asaj që thotë se është një autokolonë ushtarake ruse që kalon në Ukrainën jugore nga gadishulli i Krimesë, i cili u aneksua nga Moska në 2014.
DPSU thotë se trupat ruse qëlluan me predha artilerie përpara se të fusnin automjetet e tyre ushtarake. Po ashtu nga ana e Ukrainës bëhet me dije se kolonat ushtarake ruse kanë kaluar gjithashtu në veri nga Bjellorusia dhe nga Rusia në lindje.
