Prokuroria e Posaçme ka bërë me dije përmes një njoftimi se Paul Deda, Leonidha Sejdiaj dhe Hamid Seferi janë dënuar me nga 12 vite burg. Sipas vendimit ata akuzohen për trafikim të lëndëve narkotike, mes tyre dhe Paul (Agustin) Deda i cili njihet si ish-shoqërues i ish-ministrit të brendshëm, Saimir Tahiri. Edhe Deda është dënuar me 12 vite burg, por 1/3 e dënimit i është ulur dhe do të vuajë vetëm 8 vite burg në lidhje me akuzat që rëndojnë mbi të.
Kujtojmë që Augustin Deda është akuzuar për trafik droge edhe në Itali ku policia jonë në bashkëpunim me SPAK dhe autoritetet fqinje të Italisë kanë bërë të mundur finalizimin e operacionit të koduar “Shpirti”, si rezultat i të cilit kanë rënë në pranga shumë persona. Një prej tyre ka qenë dhe Agustin Deda, i cili ka qenë shoqërues i ish-ministrit të Brendshëm, Saimir Tahiri për 3 vite e gjysmë, bashkë me Hekuran Markun.
