Një ngjarje e rëndë ndodhi para disa ditësh në Kamëz, ku Rajmond Kunora ka dhunuar dhe bërë për spital vajzën e tij 6 vjeçe.
Vajza ka pësuar dëmtime të brendshme të organeve dhe të nxira në organet gjenitale. Ajo tashmë ndodhet në spital në gjendje të rëndë, ku po merr mjekim.
Dyshohet se ai ka abuzuar seksualisht me vajzën, ndërsa pritet rezultati i ekspertizës mjeko-ligjore.
Pastori Akil Pano ka folur për ngjarjen tronditëse të 6-vjeçares, e cila u dhunua nga babai dhe ndodhet në spital nën kujdesin e mjekëve.
I ftuar në emisinin “Open”, pastori Akil Pano tregoi se në rrjete sociale qarkullonin komente nga më të ndryshmet ndërsa kishte edhe raste kur kërkonin rikthim të dënimeve me vdekje.
” Nuk do ta konsideroja baba një person që ushtron dhunë mbi fëmijën e tij dhe shndërrohet në një kafshë. Kështu do ta shikoja, një person të tjetërsuar. Po të shohim botën e kafshëve, shohim se janë në gjendje të kujdesen për të vegjlit. Dëshira për t’iu rikthyer e bashkëshortes përfundon në një traumë dhe tragjedi të tillë. Do ta shikoja që është dhimbje e tejskajshme, kur një individ nuk është normal, një nënë krejt e mpirë nga trauma”, ka thënë Akil Pano
