Pasditen e sotme deputeti Flamur Noka deklaroi pas përfundimit të dëshmisë së tij në Prokurorinë e Tiranës që të hetohen ish-deputeti socialist Spartak Braho dhe shefi i Forcave të Ndërhyrjes së Shpejtë Sokol Bizhga. Para mediave, Noka akuzon Brahon se ka inskenuar lajme dhe pretendime të rreme se në protestën e 8 janarit në selinë e PD rrezikohej jeta e deputetit demokrat E.A.
“Isha i thirrur në prokoruri për një protestë legjitime dhe më paqësorja ndonjëherë.Për cilësinë që thirrem pyesni udhëruesin Ramën e me radhës. I bëra thirrje Prokrurosë për mashtrimin që pengu u ka bërë shqiptarëve dhe ndërkombëtare duke sajuar numra të gënjeshtërt për gjasme 5004 delegatë. Ka falsifikuar emrat. Në 5004 emra ka dhe të vdekur dhe persona që sekzistojnë farë. I bëra thirrje të hetojnë dhunën barbare të ushtruar ngap olicia ndaj demokratëve në shtëpinë e tyre. Të hetojnë një zjarrvënës si Spartak Braho që inskenon lajme e trille. Të hetojnë dhe Sokol Bizhga që ushtroi dhunë. As Prokuroria, as dhuna e bandave nuk e ndalojnë vullnetin e demokratëve”, u shpreh Flamur Noka.
Ai dhe ish-kryeministri Sali Berisha dhanë respektivisht dëshmitë e tyre para prokurorëve të çështjes së protestës së 8 janarit në PD. Ish-kryeministri u shpreh para mediave se nuk ka patur dhunë në protestën e së shtunës së kaluar nga ana e mbështetësve të tij. Ai përsëriti se do të ketë protesta në vazhdimësi kundër kryetarit të PD Lulzim Basha. Ish-kreu i PD përmendi gjithashtu se thirrja e tij nga Prokuroria e Tiranës është bërë me urdhër të kryeministrit Edi Rama.
Berisha dhe Noka u përjashtuan nga PD në mbledhjen e fundit të Kryesisë së PD së bashku me 8 kolegë të tjerë për pjesëmarrje dhe përfshirje në protestën e 8 janarit dhe lëvizjen për rithemelim të partisë. Gjithashtu, PD vendosi pezullimin e 18 anëtarëve të saj.
