Ambasadorja jonë në SHBA, Floreta Faber, është infektuar me virusin Covid-19. Testi i bërë në momentin që ka hyrë në aeroportin e Uashingtonit rezultoi pozitiv.
Vetë ambasadorja Faber njofton lajmin përmes një postimi në rrjetet sociale. Ajo deklaron se “kam mbajtur maskë dhe kam ruajtur distancën e kërkuar, por qartësisht jo mjaftueshëm”. Sipas saj, infektimi ka ndodhur në Shqipëri.
“Të dashur miq, Sot u ktheva nga Shqipëria pas një udhëtimi pune dhe pasdreke arrita në Uashington. Sapo zbrita në aeroport, si masë profilaktike bëra testin e Covid-19. Përgjigja ishte POZITIV. Ju njoftoj nëpërmjet këtij mesazhi, pasi këto ditë kam zhvilluar shumë takime pune me mjaft zyrtar dhe kolegë, si dhe kam takuar pa fund shokë e miq, familjarë dhe njerëz të afërm, të cilët nuk i njoftoj dot një nga një.
Unë u testova negativ ditën kur u nisa drejt Shqipërisë. Në çdo ambient apo takim, zyrtarë apo miqësor, kam mbajtur maskë dhe kam ruajtur distancën e kërkuar, por qartësisht jo mjaftueshëm. Mos i hiqni në asnjë moment maskat. Uroj më të mirën për secilin nga ju!” shkruan ambasadorja.
/GazetaReforma.com/
