Nuk kanë fund lajmet për çiftin më të ri Tea-Beart. Dyshja ka pushtuar lajmet rozë prej dy ditësh pasi në rrjet u publikuan foto dhe video që konfirmonin lidhjen mes të dyve. Foto të bujshme ku çifti puthej në buzë u hodhën në rrjet pasi prej kohësh qarkullonin zëra për një romancë mes tyre.
Një tjetër foto është publikuar nga ndjekësit e tyre ku Tea dhe Bearti duken shumë të lumtur dhe të dashuruar së bashku. Në foton e publikuar çifti duket shumë i lumtur krah njëri-tjetri dhe të përqafuart. Bearti ka qenë i vetmi që ka reaguar deri tani për lidhjen e tyre duke e konfirmuar përmes një postimi në Instastory, ku shprehej se dashuria mes tyre është më e pastra, ndërsa Tea nuk ka pasur ende një reagim.
Lajmi për lidhjen e dyshes në fjalë erdhi vetëm pak ditë pasi Tea kishte dalë çift me Andin nga emisioni Për’puthen. Ky i fundit ka reaguar duke i kërkuar falje fansave dhe ka thënë se ka qenë produksioni ai që e ka detyruar të dalë çift me Tean nga studio. Andi është shprehur se këtë gjë nuk ia ka treguar as familjes e miqve më të afërt, pasi ishte detyruar nga kontrata që kishte firmosur.
