Rrëzohet dekreti i Presidentit Meta për kthim në Kuvend të projektligjit për buxhetin e vitit 2021. Komisioni i Ekonomisë dhe Financave ka rrëzuar argumentet që u dhanë nga Presidenti Meta dhe nga drejtori i kabinetit presidencial, Edmond Panariti për rishqyrtimin nga Kuvendi. Në mbledhjen e Komisionit të Ekonomisë të gjithë ishin kundër dekretit të Metës përveç deputetit opozitar Artur Roshi që votoi pro.
Sot paradite, Presidenti Meta në mkë status në Twitter. u shpreh se “Vlera totale e kontratave PPP në vitin 2021 arrin në 838.2 MILIARD LEKË ose 49.8% e Prodhimit të Brendshëm Bruto. Ndërsa për luftën kundër COVID-19 janë parashikuar 14.5 MILIARD LEKË ose 0.86% e Prodhimit të Brendshëm Bruto”.
Tashmë dekreti i Metës për buxhetin 2021 do të kalojë dhe tek ligjet dhe më pas në Kuvend.
