Artan Shkëmbi, zv.drejtori i OFL-së, tashmë i pezulluar nga detyra, u paraqit sot para Gjykatës së Posaçme kundër Korrupsionit dhe Krimit të Organizuar.
Shkëmbi u fut i vetëm në ambientet e gjykatës, por do të mbrohet nga avokati Artan Broci. Prokuroria do të kërkojë që gjykimi i kësaj çështje të vijojë teksa Shkëmbi qëndron i pezulluar nga detyra, ndërsa në këtë seancë ai do japë versionin e tij për ngjarjen.
Shkëmbi dyshohet se ka dekonspiruar të dhëna për një grup kriminal që ishte nën hetim nga autoritetet gjermane. Është një çështje duke u hetuar që ka të ngjarë të ketë të përfshirë dhe zyrtarë të tjerë të policisë”, raportoi gazetarja Lala
Vendimi për pezullimin e tij u mor dy ditë më parë nga gjykata e Posacme Kundër Korrupsionit dhe Krimit të Organizuar dhe u pasua nga një urdhër i kryepolicit Ard Veliu.
Artan Shkëmbi, ka mbajtur disa detyra të rëndësishme në policinë e shtetit, ndërsa kandidoi edhe për të marrë drejtimin e Byrosë Kombëtare të hetimit, por nuk arriti të kualifikohet në fazën e testit të poligrafit. Në shkurt 2020, ai kaloi me sukses testin e vettingut, pavarësisht probleme që u relatuan nga trupa gjykuese në shtyllën e pasurive dhe figurës morale.
/GazetaReforma.com/
