Teksa duket se Policia e Shetit është angazhuar në luftën kundër kandabisit, jo të gjitha operacionet po shkojnë diç duhet.
Dosja.al raporton se dy javë më parë, forca të shumta policie kanë zbarkuar në fshatin Gropaj, pak kilometra larg Tiranës, pas informacioneve se aty kishte parcela të mbjella me kanabis.
Mirëpo, kur kanë mbërritur në vendngjarje nuk kanë gjetur asnjë rrënjë të bimëve narkotike, pasi ishin shkulur të gjitha.
Kjo ishte një shenjë që Prokuroria të dyshonte se kishte të bënte me një dekonspirim të operacionit.
Për këtë ngjarje janë arrestuar 8 persona, mes tyre dhe kryeplaku i fshatit për mosdenoncim të rastit.
Ndërkohë, vetëm 10 ditë më parë, në zonat e pyllëzuara që rrethojnë kryeqytetin u pikasën 4 parcela me kanabis, teksa u arrestuan tre persona, ndërkohë që të 5 tjerë janë shpallur në kërkim, pasi akuzohen për kultivimin e lëndëve narkotike.
Këto operacione janë vijimi i “Lugina 2”, që në muajin korrik të vitit 2019 u zhvillua në të njëjtën zonë.
