Kreu i PD Sali Berisha, gjatë komunikimit të zhvilluar me gazetarët këtë të premte i pyetur në lidhje me deklaratat e ambasadores amerikane Yuri Kim. Sipas Berishës këto deklarata ndaj tij janë si ato të kryeministrit Edi Rama.
“Ka disa pasaktës, zyrtarët amerikanë nuk takohen me persona të dizenjuar, është një deklaratë sikur ta kishte bërë Edi Rama. Them sepse është gënjeshtër dhe jo e vërtetë dhe këtë e di çdo shqiptarë. Zyrtarë të lartë të departamentit takohen me të dizenjuar.”, tha ai.
Gjithashtu Kreu i PD- së foli edhe në lidhje me mbledhjen e Këshillit Kombëtar në këtë parti, për të cilët tha se PD nuk mund të largohet nga primaret.Berisha: Sigurisht që ne do ulemi me aleatët me Partinë e Lirisë dhe aleatët e tjerë dhe do bëjmë gjithçka që të arrijmë maksimunin e konsensusit. Tani nga primaret nuk mund të largohemi. Ne sollëm primarët dhe nëse largohemi nuk jemi më vetja jonë. Ndaj dhe nesër mblidhet Këshilli Kombëtar për të diskutuar për primaret që do zhvillohen, janë mendime të ndryshme, por cili mendim do mbizotërojë nuk mund ta them se nuk e di,. Por primaret janë të domosdoshmet
Pyetje: A mund të ketë primare të hapura?
Berisha: Këto do jenë çështje diskutimesh ndërpartiake, por PD nuk mund të imagjinojë të mos përdorë sistemin e primareve, ajo këtë risi solli dhe do t’i qëndrojë.
