Protesta e banorëve të Astirit vazhdon dhe nuk ka kthim mbrapa për ta deri në gjetjen e një zgjidhjeje të pranueshme.
Dita e sotme shënon edhe ditën e 77 të tyre nga momenti që kanë bërë protestën e parë, ku mbështetës hap pas hapi kanë qenë edhe deputetët e opozitës.
Klevis Balliu, deputeti i Partisë Demokratike ka qenë ai që e ka ndjekur më nga afër dhe ka bërë deklarata pothuajse në çdo ditë dhe sot ka thënë se java e ardhshme është e rëndësishme, pasi për të ka ardhur koha që qytetarët të bashkohen për të rrëzuar këtë qeveri.
“Çdo ditë që ne dalim këtu neve na shtohen mbështetësin dhe qytetarët e ndershëm që janë kundër vjedhjes. Edi Rama anuloje projektin se revoltat që do shohësh në Shqipëri do ta bëjnë revoltën në Francë lule përballë asaj që do shohësh ti në Shqipëri. Shtëpitë janë tuajat dhe tuajt do të mbeten do apo nuk do Edi Rama. Rrëzimi i Edi Ramës është domosdoshmëri kombëtare. Java që do vijë do jetë javë e rëndësishme për të gjithë ne. Ka ardhur koha që qytetarët të marrin atë që u takon. Ka ardhur koha që politika të dëgjojë qytetarët dhe jo interesat e saj. Të bashkohemi të gjithë për të rrëzuar këtë qeveri. Qytetarët nuk kanë më rrugë tjetër përveç revoltës”- u shpreh deputeti Balliu.
https://www.facebook.com/partiademokratike/videos/2242799692675347/
