Një ngjarje e rëndë ka ndodhur sot në Kuçovë, konkretisht në fshatin Tapi.
Bëhet me dije se një 60-vjeçare, ka pirë fotoksinë, pasi është grindur me bashkëshortin.
Pas disa orësh, nëna e tre fëmijëve, Mbarime Boduri, u gjend e shtrirë në krevat nga vajza dhe dhëndëri i saj.
Ata e kanë transportuar 60-vjeçaren me urgjencë drejt Spitalit Rajonal të Beratit, ku ndodhet prej disa orësh në gjendje të rëndë, nën kujdesin e mjekëve.
Sipas mjekëve të Repartit të Urgjencës në spitalin e Beratit gjendja e saj është mjaft kritike.
Sipas familjarëve të 60-vjeçares, ajo kishte kohë që grindej me bashkëshortin, pasi ky i fundit ishte i alkoolizuar.
Tashmë policia po heton rreth zbardhjes së plotë të ngjarjes.
