Ambasadori britanik në Shqipëri Duncan Norman ka reaguar pas debateve të shumta ditën e sotme në lidhje me fletën e votimit. Në një postim në Twitter Norman shkruan se është e rëndësishme që fletët e votimit të dakordësohen në kohë që t’I japin mjundësi votuesve të familjarizohen para Ditës së Zgjedhjeve. Norman thotë se fletët e votimit duhet të jenë gjithahstu të qarta që votat të numërohen sipas synimit të votuesit.
Reagimi i plotë i ambasadorit britanik:
E rëndësishme që fletët e votimit të dakordësohen në kohë, për t’u dhënë votuesve mundësi të përshtatshme të familjarizohen përpara Ditës së Zgjedhjeve.
Por ato duhet të jenë gjithashtu të qarta, që votat të numërohen për partinë dhe kandidatin, sipas synimit të votuesit.”
Ditën e sotme KAS vendosi që të pranonte kërkesën e Partisë Socialiste për fletën e votimit ku kandidatët shënohen me numra dhe jo me emra. KQZ miratoi më parë fletën e votimit me emrat e kandidatëve të vendosur horizontalisht. Ndërkohë, Partia Demokratike kishte kërkuar fletën e votimit me emra të vendosur vertikalisht, . Përfaqësuesi i PD, Ivi Kaso deklaroi se PD do e ankimojë vendimin, ndërsa tha se Rama nuk e donte fletën e votimit me emra sepse i vinte turp nga kandidatët e Partisë Socialiste për zgjedhjet e 25 prillit.
