Partia Demokratike ka sqaruar çfarë ka ndodhur në mbledhjen e sote të Kryesisë së Grupit Parlamentar, nga ku u rasportua se pati debate mes Lulzim Bashës dhe Flamur Nokës për çështjen “Berisha”.
Në një deklaratë, PD bën me dije se kryetari Basha asnjë moment nuk e ka etiketuar anëtarësinë si antiamerikane dhe e ka quajtur një trillium të qëllimshëm nga ata që përdorin çdo gjë për interesa personale.
Më tej sqarohet se Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike
Reagimi i plotë i Partisë Demokratike:
Në lidhje me spekulimet që qarkullojnë mbi mbledhjen e sotme të Kryesisë së Grupit Parlamentar të PD-së, Partia Demokratike deklaron:
Kryetari i Partisë Demokratike në asnjë moment nuk e ka etiketuar anëtarësinë, që është shpirti i PD-së, si antiamerikane. Ky është një trillim i qëllimshëm nga ata që prej kohësh keqpërdorin gjithçka për interesa personale.
- Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike dhe askush nuk mund ta cënojë aleancën dhe partneritetin mes Partisë Demokratike dhe SHBA-ve.
