Ditën e sotme Deputetja e Partisë Demokratike Eralda Bano gjatë fjalës së mbajtur në Kuvend nuk kurseu as ironitë por as akuzat ndaj qeverisë sa i përket gjendjes së arsimit dhe ekonomisë në vend. Ajo “shënjestroi” dhe ministren e Infrastrukturës njëherazi dhe zëvendëskryeministre, Belinda Balluku.
Gjithashtu Ajo i kujtoi ministres deklaratën e parë sa i përlet larjes së rrobave me 30 gradë teksa i kujtoi dhe darkat me oligarkët.
Në replikën e saj Balluku u shpreh se kurrë nuk ka bërë një deklaratë të tillë teksa kujtoi dhe njëherë se duhet kursyer në lidhje me energjinë elektrike. Ministrja iu drejtua ashpër deputetës së selisë blu duke iu drejtuar me fjalët “të të vijë turp”.
Eralda Bano: Komenti i fundit që bëri zonja ministre (Belinda Balluku) u drejtohet qytetarëve dhe u thotë mos lini derën e frigoriferit hapur se harxhon energji elektrike. Jeni bërë qesharak. Çfarë mund të presim nga ju, presim të na nxirrni VKM për larjen e rrobave. Për të mos folu pastaj për darkat me oligarkët.
Belinda Balluku: Si mund të dalësh këtu zonjë dhe të hedhësh vrer. Flit me fakte se je zonjë. Dil këtu dhe thuaj atë që ke për të thënë. Unë nuk merrem me temperaturat e larjes së rrobave sepse i laj sipas mundësisë sime. Nuk kam folur kurrë por kam shpërndarë një fushatë për sensibilizimin e qytetarëve për kursimin e energjisë. Nëse e le frigoriferin hapur harxhon më shumë energji. Edhe nëse le dritën ndezur. Kur kam folur unë për larjen e rrobave. Se nuk kam kohë. Unë laj rrobat e mia ashtu si di në 12 të natës kur më del koha. Detyra ime është të garantoj furnizim me energji elektrike pa ndërprerë. Nuk mund të talleni me batuta. Ne do vazhdojmë të ofrojmë energji elektrike dhe të ruajmë qytetarët për një familje për të kryer të gjithë operimet. Me fashën e vendosur do paguajnë më shumë ata që duan të krehin flokët dhe të lajnë rrobat me 90 gradë. Ne këshillojmë. Janë fushata. Që bëhen në të gjithë botën. Edhe në Gjermani. Jo fushata por vendimmarrje në Zvicër për kondicionerin. Jo mohoni që ka krizë? Ky është një moment kritik. Nuk hedhim dot shi nga qielli. Energjia elektrike prodhohet nga hidrocentralet. Çmimet e importit nuk i vendosim ne. Del aty dhe akuzon se ministrja ka thënë lani rrobat. Jo nuk e kam thënë.
Eralda Bano flet nga vendi dhe tregon një video në telefon
Ermonela Felaj i ndërpret fjalën.
