Ditën e sotme seanca e parë plenare e këtij sesioni ka nisur me debate të shumta mes deputetëve demokratë si edhe deputetëve të tjerë. Fillimisht ka qenë deputeti i përjashtuar nga Grupi Parlamentar i PD-së, Edmond Spaho, i cili sulmoi kryedemokratin Lulzim Basha, dhe e quajti vendimin e tij diktatorial.
Pas Spahos, ka qenë deputeti nga krahët e ish-kryeministrit Sali Berisha, i cili i kërkoi kryeparlamentares Lindita Nikolla që të mos bëhej bashkëpunëtore në ndryshimet që ka bërë Basha, të cilat a i quaji anti-kushtetuese. Gjithashtu edhe deputeti Belind Këlliçi i ka kërkuar Kryeparlamentares Nikolla që të mos tejkalojë kompetencat e saj.
Më pas, Oerd Bylykbashi e ka konsideruar të paprecedent përjashtimin nga Grupi Parlamentar të PD-së, ndërkohë që nga ana tjetër, Flamur Noka i ka kërkuar Nikollës që të zbatonte rregulloren, pasi të vetmit përfaqësues të ligjshëm të PD-së janë anëtarët e Komisionit të Rithemelimit.
Nga krahu tjetër, kryetari i ri i Grupit Parlamentar të PD-së Enkelejd Alibeaj, ka pranuar se ata kanë disa probleme si dhe përçarje me njëri-tjetrin. Ai gjithashtu nuk pranoi që të debatonte me deputetët e krahut të Berishës.
Kujtojmë se Agron Gjekmarkaj është zgjedhur me shumicë votash si n/kryetari i Kuvendit të Shqipërisë. Deputeti demokrat u propozua nga grupi parlamentar i PD.
