Takimi i kreut të PD-së, Lulzim Basha, me presidentin Ilir Meta në zyrën e këtij të fundit, në ndryshim nga ajo e Ramës e cila përfundoi shumë shpejt, zgjati 30 minuta.
Kryedemokrati theksoi se me rëndësi është që zgjedhjet e ardhshme të jenë të rregullta dhe nuk ka rëndësi çështja e datës.
“Fermerët kanë nevojë për subvecione dhe treg shitje. Të rinjte kanë nevojë për arsim dhe punësim që të jetojnë këtu. Pensionistët kanë nevojë për rritje të pensionit. Pra shumica e shqiptarëve kërkojnë zgjidhje sot jo nesër.
Për ne mjafton që procesi të jetë i rregullt. Prandaj po e mbyll me fjalët e Nënë Terezës, duke qenë se nesër ka edhe ditën e shenjtërimit të saj.
“E djeshma ka shkuar, e nesërmja nuk ka ardhur akoma, prandaj të fillojmë duke punuar për të sotmen”, ka thënë Basha.
