Ditët po afrohen, ndeshja miqësore ndaj Kosovës është të mërkurën dhe në Durrës ka filluar grumbullimi i lojtarëve nga dy Kombëtaret për këtë ndeshje që pritet të jetë plot emocione për shqiptarëy kudo.
Por të dyja Kombëtaret do të kenë shumë mungesa pasi lojtarë nga dy ekipet nuk janë lejuar për të udhëtuar për shkak të masave kufizuese që shtetet kanë nedosur për të ndaluar përhapjen e Covid-19.
Federata e Futbollit të Kosoves ka njoftuar se Benjamin Kollolli, Florent Muslija, Leart Paqarada dhe Milot Rashica nuk do të luajnë në 3 ndeshjet e këtij muaji, miqësoren me Shqipërinë dhe dy ndeshjet përballë Sllovenisë (më 15 nëntor) dhe Moldavisë (më 18 nëntor).
Ndaj Shqipërisë nuk do të jenë as Idriz Voca dhe Valon Berisha, të cilët po rikuperohen për ndeshjet e Ligës së Kombeve.
Ndërkohë kujtojmë se edhe nga Kombëtarja jonë do te ketë shumë mungesa për shkak të dëmtimeve që kuqezinjtë kanë pësuar së fundmi, duke përmendur këtu Roshin, Grezdën.
